فاونديشناتي المفضله
الفاونديشن من أهم الأشياء في المكياج لانه يغطي أكبر منطقه وهو الأساس في ان يكون مكياجك نظيف ومرتب أو لا
في أنواع كثير مره وتلبي احتياجات كل البشرات لكن أحيانا هذه التنوع ممكن يوصل لدرجة ان الواحد يحتار ومايعرف ايش ياخذ
بالنسبه لي جربت أنواع كثير بعضها كانت روعه وبعضها فاشله فحبيت أشارككم اختياراتي لأفضل ٦ فاونديشنات
لكن قبل كذا حابه اوضح ان اختيار الفاونديشن يعتمد على البشره نفسها والي يناسب بشرتي والي نوعها عاديه/مختلطه مو أكيد يناسب غيري
جورجيو أرماني لومنس سلك
هذا الفاونديشن رقم ١ عندي
يعطي البشره نور واشراقه صحيه وناعمه وشكله جددا طبيعي
حلو للنو ميك اب لوك وكمان مناسب جدا للوك ديوي
الفنش تبعه ساتين أقرب للديوي وتغطيته متوسطه
ثباته تقريبا ست ساعات
ممتاز البشرات الجافه والعاديه/المختلطه
ديور نود اير
تركيبته مثل السيروم وينحط بقطاره ويثبت لمده طويله
ماتتخيلو قد ايش هو جـ مـ يـ ل قد ما احاول ادور عن عيب فيه مو لاقيه 😍😍خفييف على البشره ماتحسي انك حاطه شيء أبدا ومع كذا يعطي تغطيه حلوه (متوسطه) والفنش تبعه طبيعي بين المخملي والساتين كانو بشرتك بس احسن حتى انعكاس النور عليه مرا حلو ومن جد كانو البشره نفسها 👍 ويخفف من مظهر المسامات ((مايخفيها لكن يخلي شكلها اصغر بكتير)) يبقى ثابت لسبع ساعات او اكتر ومايتكتل ولايتغير فيه شيءمناسب للبشرات العاديه والدهنيه<<في البدايه ماكنت مقتنعه بانو يناسب البشره الدهنيه لكن بعد ماجربته على امي تغير رايي تماما 😍😍
الي بشرتها دهنيه افضل لو تاخد البودره حقته معاه عشان تحافظ على الفنش تبعه 👌
*الفاونديشن معطر لكن عني ماأشوفه عيب الا للي بشرتها مره حساسه لانو معظم الفاونديشنز وبالذات الهاي اند تكون معطره فمو شيء جديد.
ميبيلين فت مي مات
هذا بجد أفضل فاونديشن للبشرات الدهنيه والمختلطه من الدرق ستور
تركيبته تنافس الهاي اند براندز
بالنسبه لتغطيته متوسطه إلى عاليه (أعلى من تغطية فيت مي العادي بكثير) وبالنسبه ليا ما أحتاج استخدم كونسيلر معاه.
أما الثبات لما استخدمه من دون بودره أو برايمر يبقي أربعة إلى خمس ساعات زي ماهو بعدها يخف شويه يعني لو في حبوب أو شيء بتبدأ تبان، لكن الحلو فيه انو يخف بالتدريج وبشكل متساوي وحتى بعد ثمانيه ساعات بقي شكله مرتب بس التغطيه صارت أخف😍.
هذا الفاونديشن أكثر من ممتاز للبشرات العاديه إلى الدهنيه وللي يحبو الفنش المات👌
لكن يعيبه انو شويه ثقيل أحيانا انزعج منه
دولتشي آند جابانا بيرفكت مات
وهل يخفى القمر
الفاونديشن رقم واحد للمناسبات والأيام الطويله، ثباته وتغطيته وسهولة توزيعه وكل شيء فيه روووعه
مطفي لكن بشكل طبيعي يعني مو للدرجه الي كانه بودره
وصفار درجاته مررره جميييل يخلي شكل البشره صحي
لكن حتى هو يعيبه انه ثقيل شويه على البشره
بورجوا هيلثي ميكس
تغطيته متوسطه ويندمج بشكل حلو وطبيعي مع البشره
الفنش الي يعطيها مي مات ولا هي ديوي وسط بينهم👌
مره حابته بالذات وانو خفيف على البشره وشكله طبيعي كانو بشرتك بس احسن 😍
يناسب لجميع انواع البشرات ماعدا الدهنيه
ديور ايرفلاش
الفاونديشن يعطي تغطيته متوسطة وخفيف على البشرة ماتحسي فيه وانتي حاطته
مناسب لكل أنواع البشره
نهايته مخمليه وأكتر شيء احبه فيه ان الفنش تبعه طبيعي من بعيد مايبان انك حاطه فاونديشن بس كأنو بشرتكي مثاليه من دون شيء وينفع للمناسبات والتصوير.
أكثر شيء يميزه هو السبري على اني أفضل الفرشه لكن لما تكوني مستعجله بيفيدك كلها بختين منه ودمج على السريع وتكوني خلصتي
(طبعا لازم تمشطو الحواجب وتستخدموا مسكرا بعده لانه بيجي على كل شيء)
ليست هناك تعليقات:
إرسال تعليق