دائما تلفتني الشوزات الشامواه وأحب شكلها لكن ما أشتريها لان تنظيفها يعذب
ولما شفت هذ البخاخ عند آلدو أخذته عشان أجربه وأشوف إذا من جد بيغير رأيي عن الشامواه أو لا
علبته سبراي كبيره أول شيء تنظفي القطعه من الغبار والأشياء العالقه فيها بفرشة أو قطعة قماش بعدها تبخي عليها منه وتفركيها بشويش والأفضل لو تكون منشفه ناعمه عشان ماتخدش الشامواه
بعدها انتظروا دقيقه أو دقيقتين إلى ماتنشف القطعه وبترجعلكم كانها جديده
ميزاته:
يزيل الغبار والبقع الخفيفه بسرعه
مايترك أثر على القطعه
يجف بسرعه مايحتاج انك تنتظري
عيوبه:
ريحته مره قويه
البقع الواضحه مايزيلها
عموما ميزاته أكثر من عيوبه وهو أفضل شيء جربته لتنظيف الشامواه إلى اليوم وأحيانا استخدمه للاكسسوارات والملابس وزبط معايا
أكيد لو خلص بأرجع اشتريه
ليست هناك تعليقات:
إرسال تعليق