Pretty in Grey

مافي أحلى من الشتاء وملابسه

راح أتكلم عن جديد الموضه لخريف وشتاء هذي السنه بالاضافه لانوفي بعض الموضات الي شفناها قبل وبتستمر معانا للخريف والشتاء منها موضة السبعينات (الهدب، الشامواه، البوهيميان ستايل)، والرباطات في كل شيء من الشوزات للبلايز

أول ترند هو الملابس المستوحاه من الجيش وفي المواسم الماضيه شفنا كثير ملابس مستوحاه من الجيش لكن لخريف وشتاء 2015/2016 بيزيد التركيز عليها سواء كانت موديلاتها مستوحاه من ملابس الجيش أو ألوانها وخصوصا اللون الكاكي والطبعات 

الجاكيتات الجينز من أكثر الترندز الي حبيتها وشفناه كثير في الستريت ستايل وبنترست ويناسب الكل 

لهذا الترند الأفضل انكم تختارو الجاكيت واسع وتقدرو تلبسوه مع البناطيل أو التنانير أو الفساتين لكن أهم شيء تكون ماسكه عشان يصير الشكل متوازن

المخمل دائما نشوفه في الشتاء وخصوصا في العبايات لكن هذه السنه راح يدخل كثير في الملابس خصوصا اللون الأسود وبنشوفه أكثر وأكثر

الجلد من الخامات الدارجه للخريف والشتاء سواء كانت جاكيتات وبلايز جلد أو حتى البناطيل والتنانير

كثير ماخذين فكره خطأ عن الهاي نيك/ترتل نك ويتوقعو ان لازم تكون الرقبة طويله عشان تزبط البلوزه عليها وماتقصر رقبتها زياده مع انو خطأ وعادي حتى الي رقبتها قصيره تقدر تلبسها لكن تختار القطع الي تكون فتحة رقبتها واسعه عشان ماتخفي (زي آخر مجموعه من الصور) رقبتها بالكامل أو الي تكون قصيره لكن تصميم طرفها يعطي انطبها انه مرتفع زي أول صورتين

أخيرا رجعة موضة البندانات وحقيقة في البداية ماكنت متخيله انها بتنتشر عندنا في السعودية لكن مره استغربت وانبسطت لما شفت بنات لابسينها في الجامعه

وتقدروا تلبسو البندانات على الرقبه أو اليد أو تعلقوها على الشنطه وممكن كمان لو كانت البندانه كبيره تلبسوها زي الحزام

من موضات هذي السنة كمان السكارفات النحيفه وتمشي مع معضم الستايلات من السبورتي للرسمي وتغير شكل اللبس كثير

الملابس المخططه حقيقة ماقد اختفت من الموضه عشان نقول انها رجعت لكن نلاحظ ان التركيز صار أكثر شيء على الخطوط الأفقيه، ماعدا التنانير يزبط عليها الخطوط الأفقيه والعموديه

جاكيتات وسكارفات الفرو دارجه لهذي الفتره بألوان طبيعيه وخصوصا الأبيض

الهدب كمان واحد من موضات السبعينات وشفناه كثير الصيف الماضي وراح يستمر للخريف والشتاء لكن الفتره الجايه بيكون التركيز أكثر شيء على الهدب في الجاكيتات والتنانيروالشنط

 الترتر وتكون القطعه كامله من فوق لتحت ترتر، أو بانو يكون جزء من القطعه ترتر

الأبوات المدببه