السلام عليكم...
ايش أخباركم؟ إن شاء الله كويسين...
اليوم بتكلم عن فاونديشن ديور ايرفلاش بما انه أكثر فاونديشن أحبه ورجيت كل الي أعرفهم فيه<<أبدا ماتتخيلون قد ايش احبه 😍.
الفاونديشن من مجموعة آيرفلاش والي في منها كمان CC Primer و Matte Touch واللي يميز المجموعة انو كلهم علبهم مصممة مع بخاخ عشان يستخدمو على البشره على طول من دون فرش أو أي شيء.
الفاونديشن يعطي تغطيته متوسطة ومره خفيييف على البشرة ماتحسي فيه وانتي حاطته ,ممكن بعض البنات مايحبو التغطية المتوسطة ويفضلو تغطية كاملة لكن برأيي الفاونديشنز مو عشان تغطي كل شيء بالعكس حلو يبان الشكل طبيعي مو كأني حاطة قناع على وجهي وإدا في أي شيء يحتاج تغطية زي الحبوب استخدم لها كونسيلر<< تحمست شويه لكن بجد ما أحب فكرة استخدام الفاونديشن بدال الكونسيلر.
الفاونديشن يناسب كل أنواع البشره طبعا كل بشره تجهزيها وتستخدميه بالطريقة الي تناسبها.
نهايته مخمليه وأكتر شيء احبه فيه انو من بعيد مايبان انك حاطه فاونديشن بس كأنو بشرتكي مثاليه من دون شيء(طبعا من قريب باين انو في فاونديشن) وينفع للمناسبات والتصوير لانو مافيه واقي شمس فما يعكس النور مع الفلاش.
طريقة توزيعه:
طريقته هي انو بعد ما تغطي شعرك تبخي على الوجه من بعيد بشكل Z لكن عيب هدي الطريقة انو حواجبكي ورموشك تصير كلها فاونديشن وعني ما ناسبتني فصرت أحط منه على الفرشه وأوزعو بها أما البخاخ فأخليه للرقبة والجسم أو لما أكون مستعجله.
مزاياه:
-يعطي البشره شكل طبيعي
-البخاخ يسهل من استخدامه <<مفيد لما تكوني مستعجلة
-مايخطط ولا يتكتل
-كميته كبيرة 70ml وتعتبر مره حلوه مقارنة بانو كمية الفاونديشنز في العادة تكون تقريبا 30ml
عيوبه:
-درجاته قليله.
سعره ممكن يعتبر مرتفع (مني متأكدة بالضبط كم كان بس أتذكر انو بين 270 أو 250 ريال) لكن إدا قارناه بالكميه الموجودة فيه فبالعكس مره حلو.
ليست هناك تعليقات:
إرسال تعليق