ايش اخباركم؟ ان شاء الله طيبين...
فاونديشن هيلثي مكس من بورجوا
هذا الفاونديشن أقدر اقول انه افضل فاونديشن قد جربته من الدرق ستور, مره خفيف على البشرة ويعطيها نظاره, أفضل شيء فيه انو لما أستخدمه ماأحس اني حاطة شيء
على وجهي او انو بشرتي مكتومة.
على وجهي او انو بشرتي مكتومة.
تغطيته متوسطه ويناسب البشرات العادية والجافة أما الي بشرتها دهنية ماراح يناسبها.
بلاشر كريمي من ماك "something special"
مره أدمنت على هدا البلش الشهر الماضي مستحيل أشوفه قدامي وما أحط منه خصوصا انو توزيعه سهل وأبدا ماياخذ وقت, لونه مره حلو جاي وسط بين الوردي والبرتقالي ويعطي لوك ديوي للخد.
مره أدمنت على هدا البلش الشهر الماضي مستحيل أشوفه قدامي وما أحط منه خصوصا انو توزيعه سهل وأبدا ماياخذ وقت, لونه مره حلو جاي وسط بين الوردي والبرتقالي ويعطي لوك ديوي للخد.
محدد للشفائف من ماك "Spice"
هذا المحدد شيء أساسي في شنطة مكياجي مستحيل أخرجه منها أكثر شيء أحبه فيه انو لونه طبيعي فأقدر استخدمه مع أي روج.
مقوي الأظافر من OPI
أنا من الناس الي تحب المناكير بشكل مو طبيعي لكن المشكلة انو أظافيري بدأت تضعف وتتكسر عشان كدا أخذت هذا المقوي من نزيه.
في البداية استخدمته بنفس الطريقة المكتوبة عليه وهي انك في أول يوم تحطي طبقتين وبعدين كل يوم تزيدي طبقة ونهاية الأسبوع تشيليه بعدها غيرت صرت استخدمه قبل ما أحط المناكير.
مره عجبني ولاحظت انو أظافيري قويت كثير وبدأت ترجع زي ماكانت من بعد مابديت أستخدمه شيء مره حلو 
رغوة تنظيف الوجه بشجرة الشاي من بوتس
أكثر شيء أحبه في رغوات تنظيف البشرة عموما هو انو استخدامهم سهل ومايسوو حوسة كثير.
بالنسبة ليا حبيت رغوة بوتس لأنها تنظف بقايا المكياج وتقلل من ظهور الحبوب صح انها تجفف البشرة شوية لكن هذا هو الحال مع معظم منتجات الحبوب.
كمان من الأشياء الي حبيتها هدا الشهر هي شمعة Caribbean Escape من باث آند بودي وركس.
ريحتها زي ريحة الفواكه مع ورود تحسسكي انك في الإجازة على البحر <<واضح اني طفشت من الاختبارات ="))
على العموم أنا أبدا ما أعرف أوصف روائح لكن نصيحة الي ماقد جربتها تروح وتشوفها.
مسلسل "The 100" واحد من الأشياء الي حبيتها ومالها علاقة بالبيوتي
قصته انو بعد ماتدمرت الأرض بسبب حرب نووية وعاشو الناس في الفضاء رجعو ورسلو 100 من الأحداث عشان يجربو إذا يمديهم يعيشو على الأرض مرة تانية <<ماعليكم من الوصف حقهم حتى أنا كرهته لما قريته, أحلى شيء في هذا المسلسل انه فيه أشياء كثير مختلفة مثلا معظم المسلسلات والأفلام الي تتكلم عن الأرض يجلسو يتكلمولك عن الحروب والطبيعة والاحتباس الحراري وأشياء تطفش أما هذا لأ أبدا ماله علاقة بهدي الأشياء غير عن انو أحداثه أبدا ماتقدري تتوقعيها.
ليست هناك تعليقات:
إرسال تعليق