السلام عليكم ورحمة الله...
طبعا كلنا نعرف قد ايش اختيار درجة الفاونديشن المناسبة مهمة لطلة حلوة ومكياج مرتب وكيف انو استخدام فاونديشن فاتح أو غامق ممكن يعطي شكل سيء وأبدا مو مرتب, فعشان كذا راح أتكلم اليوم عن كيف البنت تقدر تختار الدرجة المناسبة لبشرتها.
تحديد الآندر تون:
في البداية الآندرتون هو لون البشرة نفسها وإذا كانت صفراء أو وردية أو محايدة (لونها بين الأصفر والوردي) ومثل ما تشوفو في الصورة الي فوق,ثلاثتهم لهم نفس درجة البشرة لكن كل وحده بآندرتون مختلف.
في طرق كثير تقدري بها تعرفي الآندرتون لبشرتك أسهلها هي انك تشوفي العروق الي في يدك فاذا كان لونها على أخضر معناته انو الآندرتون لبشرتكي أصفر (بشرة دافئة)
أما إذا كان لون العروق أزرق فالآندرتون هو الوردي (بشرة باردة).
طريقة تانية تقدري تعرفي بها هي انك تاخذي قطعتين اكسسوار الأولى فضية والثانية ذهبية وتشوفي ايش يناسب بشرتكي ويبرزها بشكل أفضل, إذا ناسبتكي الفضية فمعناته انو بشرتكي باردة وإذا الذهبية فبشرتكي دافئة.
تحديد درجة اللون:
بعد ماعرفتي الآندرتون لبشرتكي بقي انك تختاري درجة الفاونديشن المناسب.
كل ميك آب براند لها نظام ألوان مختلف فمثلا في ماك الفاونديشنز الي تبدأ بـN تكون مناسبة للبشرة المحايدة أماNC فللبشرة الدافئة ,و NW مناسبة للبشرة الباردة, أما ديور فالي يكون رقم آحاده صفر فهو للبشرة المحايدة والي رقم آحاده 1 للبشرة الدفئة و2 للبشرة الباردة.
طبعا الماركات كثير ومستحيل أقدر أحصرها كلها لكن في الأغلب راح يبان معاكي لما تجربيه أو تقدري تسألي الموظفة وتتأكدي منها.
وبعد ماتعرفي الفاونديشنز المناسبه للآندرتون تبعك يجي وقت اختيار درجة اللون المناسبة.
كثير من البنات تجرب الفاونديشن على يدها مع انه أبدا مو أنسب مكان لانه في أغلب الأحيان يكون لون اليد مختلف عن لون الوجه فأفضل شيء هو انك تجربيه على عظمة الفك السفلي وتختاري لون يكون مناسب لوجهك ورقبتكي بحيث انك لما تدمجيه يبان طبيعي جدا وإذا ماكنتي متأكدة جربي أكثر من درجة إلى مايوضح معاكي وطبعا حطي في بالك انو مو كل الماركات بيكون عندهم لون مطابق لبشرتكي ,في بعض الأحيان راح تحتاجي انك تدمجي درجتين عشان توصلي للون الي تحتاجيه.
ملاحظة:إذا كان لون رقبتكي مختلف عن وجهك فاختاري الفونديشن بحيث يكون لونه وسط بينهم.
شيء إضافي ممكن يسهل عليكي اختيار الفاونديشن هو أنك بعد ماتعرفي الدرجة المناسبة لك في أي ماركة من الماركات الموجودة في سيفورا راح يكون سهل عليكي انك تعرفيها في بقية ماركاتهم كل الي تحتاجيه هو انك اتدخلي موقعهم على صفحة الـColor IQ وبعد كذا من المربع المحدد بالأحمر في الصورة اختاري البراند الي منها كريم الأساس حقك وبعد كذا اختاريه والدرجه حقتك والموقع راح يطلع لك كل الفاونديشنز المناسبة لك من بقية الماركات.
شكرا جزيلااا
ردحذف